“‘ધમકીને પગલે યુવતી એસીડ પી લીધું, આરોપીની ધરપકડ”‘
મોરબીમાં રહેતી ૨૬ વર્ષની યુવતીને લગ્નની લાલચ આપી એક ઇસમેં અવારનવાર શરીર સંબંધ બાંધી દુષ્કર્મ આચર્યું હતું તેમજ અન્ય યુવતી સાથે સગાઇ કરી લેતા ભોગ બનનારે ફોન કરતા જ્ઞાતિ પ્રત્યે હડધૂત કરી આખા ખાનદાનને મારી નાખવાની ધમકી આપી હતી જેથી યુવતી એસીડ પી લેતા સારવાર માટે ખસેડાઈ હતી
મોરબીમાં રહેતી ૨૬ વર્ષીય યુવતીએ તાલુકા પોલીસ મથકમાં આરોપી વૈભવ નીલેશ ભોરણીયા (ઉ.વ.૨૫) રહે હાલ કન્યા છાત્રાલય રોડ મોરબી મૂળ રહે જુના દેવળિયા તા. હળવદ વાળા વિરુદ્ધ ફરિયાદ નોંધાવી છે જેમાં જણાવ્યું છે કે આરોપી વૈભવે ભોગ બનનાર યુવતી સાથે પ્રેમસંબંધ બાંધી લગ્નની લાલચ આપી અવારનવાર શરીર સંબંધ બાંધ્યા હતા અને ભોગ બનનાર યુવતીની જાણ બહાર બીજી છોકરી સાથે સગાઇ કરી લીધી હતી જેથી ભોગ બનનારે ફોન કરતા ફોન પર જ્ઞાતિ પ્રત્યે હડધૂત કરી યુવતીને ફરી વખત ફોન કરીશ તો આખા ખાનદાનને મારી નાખવાની ધમકી આપી હતી જેથી યુવતીને લાગી આવતા એસીડ પી લીધું હતું
