વડાપ્રધાન નરેન્દ્રભાઈ મોદીની અધ્યક્ષતામાં મળેલ કેન્દ્રીય કેબિનેટ દ્વારા ગુજરાતમાં વધુ એક સેમિકન્ડક્ટર મેન્યુફેક્ચરિંગ યુનિટની સ્થાપનાને મંજૂરી.

આ અંતર્ગત, Kaynes Semicon કંપની ₹3300 કરોડના રોકાણ સાથે સાણંદ ખાતે દૈનિક 60 લાખ ચિપ્સની ઉત્પાદન ક્ષમતા સાથેના સેમિકન્ડક્ટર યુનિટની સ્થાપના કરશે. Kaynes Semicon કંપનીના પ્લાન્ટ સાથે હવે ગુજરાતમાં કુલ 4 સેમિકન્ડક્ટર પ્રોજેક્ટ્સ કાર્યરત થશે. મુખ્યમંત્રી ભૂપેન્દ્રભાઈ પટેલે ગુજરાતમાં વાઇબ્રન્ટ સેમિકન્ડક્ટર ઇકોસિસ્ટમના નિર્માણને વેગ આપતી આ મંજૂરી બદલ વડાપ્રધાન શ્રી નો આભાર માન્યો છે.