: મોરબી જિલ્લાના વાંકાનેર તાલુકા પોલીસ સ્ટેશન દ્વારા તેરા તુજે અર્પણ કાર્યક્રમ અંતર્ગત CEIRના ઉપયોગથી સ્ટેશન વિસ્તારમાંથી રૂપિયા 1,76,649ની કિંમતના ખોવાયેલા કુલ 7 ફોન શોધી કાઢી અરજદારોને પરત કરવામાં આવ્યા છે.
જેમાં વાંકાનેરના એસ.એચ.સારડાના માર્ગદર્શન હેઠળ પોલીસ સબ ઇન્સ. એલ.એ.ભરગા તથા પોલીસ કર્મચારીઓ દ્વારા CEIR એપ્લિકેશનનો ઉપયોગ કરી આમ જનતાના ખોવાયેલા મોબાઈલની જરૂરી વિગત મેળવી એપ્લિકેશનમાં અપડેટ કરી અને એપ્લિકેશનનું રોજે રોજનું અપડેટ મેળવી વાંકાનેર તાલુકા પોલીસ વિસ્તારમાંથી લોકોના ખોવાયેલા કુલ 7 મોબાઈલ ફોન કી. 1,76,649ના શોધી કાઢી અરજદારોને પરત સોંપી તેરા તુજે અર્પણ તથા પોલીસ પ્રજાનો મિત્ર સૂત્રને વાંકાનેર તાલુકા પોલીસે સાર્થક કર્યું છે.
