વાંકાનેરના પલાસ ગામે સ્ટ્રીટ લાઈટના અજવાળે જુગાર રમતા ત્રણ પત્તા પ્રેમીઓ રૂ. 61,600 ના મુદ્દામાલ સાથે ઝડપાયાં….
વાંકાનેર તાલુકા પોલીસ ટીમ દ્વારા ચોક્કસ ખાનગી બાતમીને આધારે વાંકાનેરના પલાસ ગામે આવેલ સેટાણીયા પરિવારના મઢ સામે શેરીમાં સ્ટ્રીટ લાઈટના અજવાળે જુગાર રમતા પત્તા પ્રેમીઓ પર દરોડો પાડી ત્રણ શખ્સોને રોકડ રકમ રૂ. 68,600ના મુદ્દામાલ સાથે રંગે હાથ જુગાર રમતા ઝડપી પાડી ત્રણેય સામે વાંકાનેર તાલુકા પોલીસ મથકમાં જુગાર ધારાની કલમ હેઠળ ગુનો નોંધી ધોરણસરની કાર્યવાહી હાથ ધરી હતી…
બનાવની પ્રાપ્ત વિગતો મુજબ વાંકાનેર તાલુકા પોલીસની સર્વેલન્સ ટીમના પેટ્રોલિંગ દરમિયાન સ્ટાફને મળેલ ચોક્કસ ખાનગી બાતમીને આધારે પોલીસે વાંકાનેરના પલાસ ગામ ખાતે આવેલ સેટાણીયા પરિવારના મઢ સામે શેરીમાં દરોડો પાડી સ્ટ્રીટ લાઈટના અજવાળે જુગાર રમતા જગદીશભાઈ કરમશીભાઇ કુણપરા(ઉ.વ. ૫૦), જગાભાઈ કાળુભાઈ કુણપરા (ઉ.વ. ૪૪) અને અલ્પેશભાઈ રણછોડભાઈ ધરોડીયા (ઉ.વ. ૩૩) ને રોકડ રકમ રૂ. 61,600 સહિતના મુદ્દામાલ સાથે ઝડપી પાડી ધોરણસરની કાર્યવાહી હાથ ધરી હતી….
