.
વાંકાનેર તાલુકાના માટેલ રોડ પર આવેલ બ્રાવેટ સિરામિક ફેકટરી સામે ખુલ્લા પટમાં એક પરપ્રાંતિય ૩૪ વર્ષિય યુવાનનું કોઇ અગમ્ય કારણોસર મોત થતાં, બાબતે વાંકાનેર તાલુકા પોલીસ દ્વારા મૃતકની લાશને ફોરેન્સિક પોસ્ટમોર્ટમ અર્થે હોસ્પિટલ ખાતે ખસેડી બનાવની વધુ તપાસ શરૂ કરી છે….
બનાવની પ્રાપ્ત વિગતો મુજબ વાંકાનેર તાલુકાના માટેલ રોડ પર આવેલ બ્રાવેટ સિરામિક ફેકટરી સામે ખુલ્લા પટમાં સોનુકુમારસિંહ બ્રિજમોહનસિંહ રાજપુત (ઉ.વ. ૩૪, રહે. હાલ સ્ટાઈલીન સિરામીક, માટેલ રોડ, વાંકાનેર, મુળ. રહે. બિહાર) નું કોઇ અગમ્ય કારણોસર મોત થતાં બાબતે વાંકાનેર તાલુકા પોલીસે મૃતકની લાશને પોસ્ટમોર્ટમ અર્થે હોસ્પિટલ ખાતે ખસેડી, મૃતકના વિશેરાને ફોરેન્સિકમાં મોકલી મોતનું કારણ જાણવા તપાસનો ધમધમાટ શરૂ કર્યો છે…
