વાંકાનેર તાલુકાના ભલગામ નજીકથી રેતી ચોરી કરતા બે ડમ્પર ઝડપાયાં….
મોરબી જિલ્લા ખાણ ખનીજ વિભાગ દ્વારા ચોક્કસ ખાનગી બાતમીને આધારે વાંકાનેર તાલુકાના ભલગામ નજીક રાજકોટ રોડ પરથી રોયલ્ટી ભર્યા વગર ગેરકાયદેસર રીતે રેતી ખનીજનું વહન કરતા બે ડમ્પરને ઝડપી પાડી તેની સામે કાયદેસરની કાર્યવાહી હાથ ધરી હતી…
બનાવની પ્રાપ્ત વિગતો મુજબ મોરબી ખાણ ખનીજ વિભાગના ભુસ્તરશાસ્ત્રી જે. એસ. વાઢેરની સૂચના મુજબ ભુસ્તરવિજ્ઞાન અને ખાણ-ખનીજનાં રોયલ્ટી ઇન્સ્પેક્ટર રાહુલ મહેશ્વરી અને માઇન્સ સુપરવાઈઝર મિતેષ ગોજીયા દ્વારા વાંકાનેર તાલુકાના ભલગામ નજીક રાજકોટ રોડ ઉપરથી ડમ્પર નંબર GJ O3 BW 6548 અને GJ 03 BY 8288 ને રોયલ્ટી ભર્યા વગર સાદી રેતી ખનીજનાં ગેરકાયદેસર રીતે વહન કરવા બદલ ઝડપી પાડી અંદાજે રૂ. 50 લાખની કિંમતનો મુદ્દામાલ જપ્ત કરી ધોરણસરની કાર્યવાહી હાથ ધરી હતી….
