વાંકાનેર નજીકના વઘાસીયા ટોલનાકા પાસેથી દારૂ ભરેલી ગાડી સાથે એક પકડાયો: એકની શોધખોળ
વાંકાનેર નજીક આવેલ વઘાસિયા ટોલનાકા પાસેથી મોરબી તરફ આવતા રસ્તા ઉપરથી પસાર થઈ રહેલ ઇકો ગાડીને એલસીબીની ટીમ દ્વારા રોકવામાં આવી હતી અને તે ગાડી ચેક કરવામાં આવતા તેમાંથી ૪૦૦ દેશી દારૂનો જથ્થો મળી આવ્યો હતો જેથી કરીને પોલીસે કુલ મળીને ૩.૦૮ લાખના મુદ્દામાલને કબજે કરી એક શખ્સની ધરપકડ કરેલ છે અને દારૂ મંગાવનાર શખ્સનું નામ સામે આવતા તેને પકડવા માટે પોલીસે તજવીજ શરૂ કરી છે
જાણવા મળતી માહિતી મુજબ મોરબી જિલ્લા એલસીબીની ટીમ પેટ્રોલિંગમાં હતી ત્યારે મોરબી જિલ્લાના વાંકાનેર નજીક આવેલ વઘાસીયા ટોલનાકાથી મોરબી તરફ જતા નેશનલ હાઈવે રોડ ઉપર થી ઇકો ગાડી નંબર જીજે ૧૩ એબી ૬૪૬૮ પસાર થઈ હતી જેને રોકવામાં આવી હતી અને તે ગાડીને ચેક કરવામાં આવતા તેમાંથી ૪૦૦ લીટર દેશી દારૂનો જથ્થો મળી આવ્યો હતો જેથી કરીને પોલીસે ૮૦૦૦ રૂપિયાની કિંમતનો દારૂ તથા ત્રણ લાખ રૂપિયાની કિંમતની ગાડી એમ કુલ મળીને ૩,૦૮,૦૦૦ ની કિંમત ના મુદ્દા માલ સાથે આરોપી મુકેશભાઈ રતિલાલ પરમાર (૩૫) રહે મુળી જિલ્લો સુરેન્દ્રનગર વાળાની ધરપકડ કરેલ છે અને આ દારૂનો જથ્થો મુન્નાભાઈ રાજપુત નામના શખ્સે મંગાવ્યો હોવાનું સામે આવતા પોલીસે બંને શખ્સોની સામે વાંકાનેર સિટી પોલીસ સ્ટેશન ખાતે ગુનો નોંધી મુન્નાભાઈ રાજપૂતને પકડવા માટે તજવીજ શરૂ કરી છે
