વાંકાનેરના જડેશ્વર નજીક બસ સ્ટેશન પાસેથી જામગીરી બંદુક સાથે એકની ધરપકડ
વાંકાનેર તાલુકામાં જડેશ્વર મંદિર નજીક આવેલ બસ સ્ટેશન પાસેથી દેશી બનાવટની જામગીરી બંદૂક સાથે એક શખ્સની પોલીસ દ્વારા ધરપકડ કરવામાં આવેલ છે અને તેની સામે વાંકાનેર તાલુકા પોલીસ સ્ટેશન ખાતે ગુનો નોંધી પોલીસે આગળની રાબેતા મુજબની કાર્યવાહી હાથ ધરી છે
મોરબી જિલ્લા એસઓજીની ટીમ પેટ્રોલિંગ માહિતી ત્યારે મોરબી જિલ્લાના વાંકાનેર તાલુકામાં આવતા જડેશ્વર મંદિર પાસે બસ સ્ટેશન નજીકથી પસાર થયેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દેશી બનાવટની જામગીરી બંદૂક મળી આવી હતી જેથી પોલીસે ૫૦૦૦ રૂપિયાની કિંમતનું હથિયાર કબજે કર્યું હતું અને આરોપી જાવેદભાઈ અલ્લારખાભાઈ સંધવાણી જાતે મિયાણા (૨૫) રહે માલાની શેરી સંધવાણી વાસ માળીયા મીયાણા વાળાની ધરપકડ કરેલ છે અને આ શખ્સની સામે વાંકાનેર તાલુકા પોલીસ સ્ટેશન ખાતે આર્મસ એક્ટ મુજબ ગુનો નોંધીને પોલીસે આગળની રાબેતા મુજબની કાર્યવાહી હાથ ધરી છે
