વાંકાનેર શહેરના ટાઉન હોલ ખાતે જાહેરમાં જુગાર રમતા ચાર શકુનિઓ ઝડપાયા
વાંકાનેર સિટી પોલીસ ટીમ દ્વારા ચોક્કસ ખાનગી બાતમીને આધારે વાંકાનેર શહેરના ટાઉનહોલ ખાતે જુગારનો દરોડો પાડી જાહેરમાં જુગાર રમતા ચાર પત્તાપ્રેમીઓને જુગાર રમતા રંગેહાથ રોકડ રકમ રૂ. 14,160 ના મુદ્દામાલ સાથે ઝડપી પાડી તમામ આરોપીઓ સામે જુગારધારાની કલમ હેઠળ ગુનો નોંધી કાયદેસરની કાર્યવાહી હાથ ધરી હતી બનાવની પ્રાપ્ત વિગતો મુજબ વાંકાનેર સિટી પોલીસ ટીમના હેડ કો. હરપાલસિંહ પરમાર તથા દર્ષિતભાઈ વ્યાસને મળેલ ચોક્કસ ખાનગી બાતમીને આધારે પોલીસે વાંકાનેર શહેરના ટાઉનહોલ ખાતે જુગારનો દરોડો પાડી જાહેરમાં જુગાર રમતા ૧). જયેશભાઇ માત્રાભાઇ પરમાર (ઉ.વ. ૨૮),૨). અશોકભાઈ દેવાભાઇ ગમારા (ઉ.વ. ૨૮), ૩). રતાભાઇ માધાભાઇ ગમારા (ઉ.વ. ૨૩) અને ૪). પરબતભાઇ જીવણભાઈ બાંભવા (ઉ.વ. ૨૨) ને રોકડ રકમ રૂ. 14,160 ના મુદ્દામાલ સાથે ઝડપી પાડી ધોરણસરની કાર્યવાહી હાથ ધરી હતી
