વાંકાનેર તાલુકાના ભલગામ ગામના બસ સ્ટેન્ડ નજીકથી દેશી હાથ બનાવટના કટ્ટા સાથે એક શખ્સ ઝડપાયો….
વાંકાનેર તાલુકાના ભલગામ નજીકથી મોરબી એલસીબી ટીમ દ્વારા ચોક્કસ ખાનગી બાતમીને આધારે દરોડો પાડી ગામના બસ સ્ટેન્ડ નજીક રોડ પરથી એક શખ્સને દેશી હાથ બનાવટના લોખંડના કટ્ટા સાથે રંગે હાથ ઝડપી પાડી, આરોપી સામે આર્મ્સ એક્ટ હેઠળ ગુનો નોંધી ધોરણસરની કાર્યવાહી હાથ ધરી હતી.
બનાવની પ્રાપ્ત વિગતો મુજબ મોરબી એલસીબી ટીમ દ્વારા ચોક્કસ ખાનગી બાતમીના આધારે વાકાનેર તાલુકાના ભલગામ ગામના બસ સ્ટેન્ડ નજીક દરોડો પાડી રોડ પર ઉભેલા આરોપી નેકમામદ ઇબ્રાહિમભાઇ ભટ્ટી (ઉ.વ. ૬૬, રહે. મીલપ્લોટ, વાંકાનેર)ને ગેરકાયદેસર દેશી હાથ બનાવટના લોખંડના કટ્ટા (કિંમત રૂ. ૫,૦૦૦) સાથે ઝડપી પાડી આરોપી સામે વાંકાનેર તાલુકા પોલીસમાં આર્મ્સ એક્ટ હેઠળ ગુનો રજીસ્ટર કરાવી ધોરણસરની કાર્યવાહી હાથ ધરી હતી
