વાંકાનેર તાલુકાના અદેપર ગામે પ્રાથમિક શાળાના નવા બિલ્ડિંગનું ઉદ્ઘાટન
વાંકાનેર તાલુકાના અદેપર ગામે જિલ્લા પ્રાથમિક શિક્ષણ સમિતિ – મોરબી સંચાલિત શ્રી જયંતિલાલ જેઠાલાલ દોશી પ્રાથમિક શાળાના નવા આધુનિક બિલ્ડિંગનું ઉદ્ઘાટન તાલુકા પંચાયત ચેરમેન શ્રીમતી જીજ્ઞાસાબેન મેર, જિલ્લા શિક્ષણ અધિકારી, શિક્ષકો, વિદ્યાર્થીઓ અને સમસ્ત અદેપર ગામ લોકોની હાજરીમાં “લાઇફ પ્રોજેક્ટ” ના ટ્રસ્ટીઓ અને દોશી પરિવાર દ્વારા કરવામાં આવ્યું. શિક્ષણને જાગૃત કરવા હર હંમેશ તત્પર રહેતા તાલુકા પંચાયત ચેરમેન શ્રીમતી જીજ્ઞાસાબેન મેરે “લાઈફ પ્રોજેકટ”ના તમામ દાતાશ્રીઓ નો ખુબ ખુબ આભાર વ્યક્ત કર્યો હતો. સાથો સાથ સમસ્ત અદેપર ગામ લોકોની હાજરીમાં મતદાન જાગૃતિ અભિયાનનો કાર્યક્રમ પણ કરવામાં આવ્યો હતો.
