મોરબી -હળવદ હાઇવે ઉપર હરિઓમ સોસાયટી નજીક બનેલી ઘટનામાં લોકોના ટોળેટોળા
મોરબી : મોરબી – હળવદ હાઇવે ઉપર ઘુંટુ નજીક રોંગ સાઈડમાં પુરપાટ ઝડપે જતી પોલીસની બોલેરો જીપે બાઈક ચાલક આધેડને હડફેટે લઈ ગંભીર ઇજાઓ પહોંચાડતા લોકોમાં રોષ વ્યાપી ગયો હતો અને બનાવ સ્થળે લોકોના ટોળેટોળા એકત્રિત થઈ ગયા હતા.
બનવા અંગે જાણવા મળતી વિગતો મુજબ મોરબી -હળવદ રોડ ઉપર ઘુંટુ નજીક આવેલ રિઓમ સોસાયટી પાસે હળવદ તરફથી બાઈક લઈને પોતાની સાઈડમાં જઈ રહેલા હીરાભાઈ બચુભાઈ રોઝડીયા નાના આધેડને રોંગ સાઈડમાં પુરપાટ ઝડપે ધસી આવેલ પોલીસની બોલેરો કારના ચાલકે હડફેટે લેતા હરિભાઇને ગંભીર ઈજાઓ સાથે સારવાર ખસેડવામાં આવ્યા છે. બનાવની જાણ થતા જ લોકોના ટોળેટોળા બનાવ સ્થળે એકત્રિત થઇ ગયા ગત અને લોકોને કાયદાના પાઠ ભણાવતી પોલીસ જ રોંગ સાઈડ આવી અકસ્માત સર્જ્યો હોય લોકો રોષ વ્યક્ત કરી રહ્યા હતા.
