વાંકાનેર ખાતેથી ચોરાયેલ મોટરસાયકલ સાથે એક શખ્સને ઝડપી પાડતી પોલીસ ટીમ….
વાંકાનેર સીટી પોલીસ વિસ્તારમાંથી ચોરી થયેલ એક મોટરસાયકલના ગુનામાં આરોપીને ઝડપી લેવા પોલીસ ટીમ કાર્યરત હોય જેમાં પોલીસે ચોરાયેલ મોટરસાયકલ સાથે એક શખ્સને ઝડપી પાડી ધોરણસરની કાર્યવાહી હાથ ધરી હતી…
બનાવની પ્રાપ્ત વિગતો મુજબ વાંકાનેર સિટી પોલીસ ટીમ દ્વારા ચોક્કસ ખાનગી બાતમીને આધારે વાંકાનેરની નર્સરી ચોકડી ખાતેથી શંકાસ્પદ હાલતમાં પસાર થતા એક મોટરસાઈકલ ચાલકને રોકી ઈ- ગુજકોપની મદદથી વાહન સર્ચ કરતા બાઇક ચોરીનું હોવાનું સામે આવતા પોલીસે આરોપી રણછોડભાઈ વીરજીભાઈ ગાબુ (ઉ.વ.૨૫, રહે.જાલી)ને સિલ્વર કલરના હીરો કંપનીના મોટરસાઈકલ સાથે ઝડપી પાડી ધોરણસરની કાર્યવાહી હાથ ધરી હતી…
