વાંકાનેર નજીક કારખાનાની ઓફિસમાં ત્રાટકેલ તસ્કર આખી તિજોરીની ચોરી કરી છનન

વાંકાનેર નજીક કારખાનાની ઓફિસમાં ત્રાટકેલ તસ્કર આખી તિજોરીની ચોરી કરી છનન….

મધ્યરાત્રિના ઓફિસની બારીના સળિયા કાપી કબાટમાં રાખેલ નાની તિજોરી સહિત રૂ. 1.94 લાખની ચોરી….

વાંકાનેર તાલુકાના કોઠારીયા-લજાઇ નજીક આવેલ એક કારખાનામાં મધ્યરાત્રિના એક અજાણ્યો તસ્કર ત્રાટક્યો હતો, જેમાં તેણે બારીના સળિયા કાપી ઓફિસમાં પ્રવેશી કબાટમાં રાખેલ નાની તિજોરી સહિત રોકડ રકમ રૂ. 1.94 લાખની ચોરી કરી ફરાર થઇ જતાં બાબતે કારખાનેદારએ વાંકાનેર તાલુકા પોલીસમાં ફરિયાદ નોંધાવી છે….

બનાવની પ્રાપ્ત વિગતો મુજબ વાંકાનેરના કોઠારીયા-લજાઇ રોડ પર આવેલ શ્રી વિજય એગ્રો એન્ડ ફૂડ પ્રોડકટ નામના કારખાનામાં તા. 28ની મધ્યરાત્રિના એક અજાણ્યો શખ્સ દિવાલ કુદી કારખાનામાં પ્રવેશી ઓફીસની બારીના લોખંડના સળીયા કાપી ઓફીસના કબાટમાં રાખેલ રોકડ રકમ રૂ. 1,94,000 ભરેલ આખી નાની તિજોરીની ચોરી કરી ફરાર થઇ જતાં બાબતે કારખાનેદાર કૌશલભાઇ રમણિકભાઇ જયસ્વાલ (રહે. મોરબી)એ વાંકાનેર તાલુકા પોલીસમાં ફરિયાદ નોંધાવતા પોલીસે તપાસનો ધમધમાટ શરૂ કર્યો છે….