વાંકાનેર તાલુકાની સતાપર ગ્રામ પંચાયતના સરપંચને હોદ્દા પરથી દૂર કરવામાં ડીડીઓનો હુકમ
વાંકાનેર તાલુકાના સતાપર ગામના મહિલા સરપંચ દ્વારા તેઓના પતિ અને સાવકા પુત્રના વાઉચરો બનાવીને સરકારી નાણા નું ચુકવણું કરેલ છે જેથી સત્તાનો દુરુપયોગ કરવામાં આવ્યો હોવાનું ધ્યાન ઉપર આવ્યું છે જેથી કરીને ડીડીઓ દ્વારા સત્તા પર ગ્રામ પંચાયતના સરપંચને હોદા ઉપરથી દૂર કરવા માટે હુકમ કરાયો છે
મોરબી જિલ્લામાં વાંકાનેર તાલુકાના સતાપર ગ્રામ પંચાયતના સરપંચ જીલુબેન રમેશભાઈ ગણાદિયાએ તેમના પતિ રમેશભાઈ કેશાભાઇ ગણાદિયાનાં નામે કુલ ૪ કામો માટે તેમજ તેમના સાવકા પુત્ર અજયભાઈ રમેશભાઈ ગણાદિયાના નામે કુલ ૫ કામો માટે વાઉચરો બનાવીને નાણાનું ચુકવણું કરેલ હતું. આમ, સરપંચે પોતાની સત્તાનો દુરુપયોગ કરીને તેમની સાથે લોહીનો સંબંધ ધરાવતા પતિ તેમજ સાવકા દીકરાને નાણાનું ચુકવણું કરીને સરપંચે પોતાનું નાણકીય હિત સાધેલ હોય, ફરજ બજાવવામાં દુર્વર્તન બદલ ગુજરાત પંચાયત અધિનિયમ-૧૯૯૩ ની કલમ-૫૭(૧) હેઠળ મોરબીના ડીડીઓ દિગ્વિજયસિંહ ડી.જાડેજા દ્વારા સતાપર ગ્રા.પં.નાં સરપંચ જીલુબેન રમેશભાઈ ગણાદિયાને સરપંચનાં હોદ્દા પરથી દૂર કરવામાં આવ્યા.
