ઉજ્જૈન દક્ષિણના ધારાસભ્ય મોહન યાદવ બન્યાં મધ્યપ્રદેશના નવા મુખ્યમંત્રી

ઉજ્જૈન દક્ષિણના ધારાસભ્ય મોહન યાદવ બન્યાં મધ્યપ્રદેશના નવા મુખ્યમંત્રી

મધ્યપ્રદેશમાં સત્તા કોણ સંભાળશે તે નક્કી થઈ ગયું છે. રાજ્યની રાજધાની ભોપાલમાં આજે ધારાસભ્ય દળની બેઠક યોજાઈ હતી. મોહન યાદવ વિધાયક દળના નેતા હશે તે નક્કી હતું.

મધ્યપ્રદેશમાં સત્તા કોણ સંભાળશે તે નક્કી થઈ ગયું છે. રાજ્યની રાજધાની ભોપાલમાં આજે ધારાસભ્ય દળની બેઠક યોજાઈ હતી. મોહન યાદવ વિધાયક દળના નેતા હશે તે નક્કી હતું. મધ્યપ્રદેશમાં મુખ્યમંત્રી પદ કોણ સંભાળશે તે અંગે ઘણા દિવસોથી ચાલી રહેલી સસ્પેન્સનો આજે અંત આવ્યો છે. ધારાસભ્ય દળની બેઠકમાં મોહન યાદવના નામ પર સર્વસંમતિ સધાઈ છે. આ મહત્વના નિર્ણય પહેલા ભાજપ હાઈકમાન્ડે આજે નિરીક્ષકોની ટીમ ભોપાલ મોકલી હતી. જેમાં હરિયાણાના મુખ્યમંત્રી મનોહર લાલ ખટ્ટર, આશા લાકરા અને કે લક્ષ્મણના નામ સામેલ છે.ભોપાલ પહોંચ્યા બાદ મનોહરલાલ ખટ્ટર અને અન્ય નિરીક્ષકો મુખ્યમંત્રીના નિવાસસ્થાને પહોંચ્યા હતા. અહીં પહોંચ્યા બાદ તેઓ સૌથી પહેલા શિવરાજ સિંહને મળ્યા હતા. એવું કહેવામાં આવી રહ્યું હતું કે, ખટ્ટર બીજેપી હાઈકમાન્ડના આદેશથી દિલ્હીથી પહોંચ્યા હતા. ખટ્ટર ભોપાલ પહોંચ્યા પછી પણ નડ્ડા સતત તેમના સંપર્કમાં રહ્યા હતા.પક્ષ કાર્યાલયમાં જ્યાં ધારાસભ્ય પક્ષની બેઠક ચાલી રહી હતી. તે જ સમયે, પ્રહલાદ પટેલ અને શિવરાજ સિંહ ચૌહાણના સમર્થકો પાર્ટી કાર્યાલયની બહાર સૂત્રોચ્ચાર કરી રહ્યા હતા. સીએમ શિવરાજ સિંહ ચૌહાણની સાથે જ્યોતિરાદિત્ય સિંધિયા, નરેન્દ્ર સિંહ તોમર, કૈલાશ વિજયવર્ગીય, પ્રહલાદ પટેલ અને વીડી શર્માનું નામ મુખ્યમંત્રીની રેસમાં સામેલ હતું. બીજી તરફ સીએમના નામની જાહેરાત પહેલા પ્રહલાદ પટેલના નિવાસસ્થાનની સુરક્ષા વધારી દેવામાં આવી હતી.મધ્યપ્રદેશમાં વિધાનસભા ચૂંટણીમાં ભાજપે જંગી બહુમતી હાંસલ કરી હતી. રાજ્યમાં જ્યાં કોંગ્રેસ અને ભાજપ વચ્ચે નજીકની સ્પર્ધાના અહેવાલો છે. ત્યાં કોંગ્રેસનો સફાયો થયો. મધ્યપ્રદેશમાં, ભાજપે 163 બેઠકો જીતી હતી, જ્યારે કોંગ્રેસ, કમલનાથના ચહેરા પર લડી રહી હતી, કોંગ્રેસને માત્ર 66 બેઠકો જ મળી હતી.