બંધુનગર નજીક કાર ચાલકએ સ્ટેરીંગ પરથી કાબુ ગુમાવતા સર્જાયેલ અકસ્માતમાં વાંકાનેરના વેપારી યુવાનનું મોત….
વાંકાનેરના વેપારી યુવાન શહેબાઝ મેમણનું દુઃખદ અવસાન, મર્હુમની આવતીકાલે જીયારત….
વાંકાનેર તાલુકાના બંધુનગર નજીક નેશનલ હાઇવે પર ગતરાત્રીના એક i-20 કારના ચાલકે સ્ટેરીંગ પરથી કાબુ ગુમાવતા ગંભીર અકસ્માત સર્જાયો હતો, જેમાં વાંકાનેરના વેપારી યુવાનનું મોત થયું હતું, જ્યારે આ આકસ્માતના બનાવમાં અન્ય એક યુવાનને પણ ઈજાઓ પહોંચી હતી….
બનાવની પ્રાપ્ત વિગતો મુજબ વાંકાનેરની બાગે સંજર સોસાયટી ખાતે રહેતા અને મેઇન બજારમાં સાહેલી સેલ નામની દુકાન ચલાવતા શેહબાઝ રફીકભાઈ મેમણ (ઉ.વ. ૨૫) નામનો વેપારી યુવાન ગતરાત્રીના પોતાની આઇ-20 કાર લઈને મોરબીથી વાંકાનેર પરત આવી રહ્યો હોય, ત્યારે બંધુનગર પાસે સ્ટેરીંગ પરથી કાબુ ગુમાવતા કાર ડિવાઇડર સાથે અથડાતા ગંભીર અકસ્માત સર્જાયો હતો, જેમાં શહેબાઝનું ગંભીર ઈજાઓ પહોંચતા ઘટનાસ્થળે જ મોત થયું હતું, જ્યારે તેની સાથે કારમાં સવાર અન્ય એક યુવાનને પણ ઈજાઓ પહોંચી હતી…
