વાંકાનેર નજીક ઇકોમાં નશાકારક શિરપની ૩૨૦ બોટલ સાથે શખ્સ ઝડપાયો
વાંકાનેરના સરતાનપર રોડ ઉપર સેન્સો ચોકડી પાસેથી ઇકો કાર જઈ રહી હતી તે કારને રોકીને ચેક કરવામાં આવી હતી ત્યારે કારમાંથી આયુર્વેદિક નશાકારક શિરપની ૩૨૦ બોટલ મળી આવી હતી જેથી કરીને પોલીસે કાર સાથે સુરેશભાઇ ચૌહાણ (૨૪) રહે. હાલ નવા જાંબુડીયા મુળ ખડીયા તાલુકો માણાવદર વાળાની અટકાયત કરી હતી અને કાર નં. જીજે ૩૬ ટી ૮૦૧૬ જેની કિંમત બે લાખ રૂપિયા અને શિરપ ૩૨૦ બોટલ જેની કિંમત ૪૮૦૦૦ આમ કુલ મળીને ૨,૪૮,૦૦૦ નો મુદામાલ કબજે કરેલ છે આ કામગીરી વાંકાનેરના પીએસઆઈ બી.પી. સોનારા તેમજ મયુરધ્વજસિંહ જાડેજા, ચમનભાઇ ચાવડા, હરીશચદ્રસિંહ ઝાલા, સંજયસિહ જાડેજા, રવીભાઇ કલોત્રા, વિજયભાઇ ડાંગર તથા અજયસિંહ ઝાલાએ કરી હતી
