વાંકાનેરના સરતાનપર રોડે કારખાનામાં ચક્કર આવતા પડી ગયેલા યુવાનનું મોત
વાંકાનેર તાલુકાના સરતાનપર રોડ ઉપર આવેલ કારખાનામાં રહેતો અને મજૂરી કામ કરતો યુવાન કારખાનામાં ચક્કર આવતા પડી ગયો હતો જેથી કરીને તે યુવાને માથામાં પાછળના ભાગે ઇજા થયેલ હતી જેથી તેનું મોત નીપજયું હતું જે બનાવની મોરબીની સરકારી હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવી જાણવા મળતી માહિતી મુજબ મૂળ ઝારખંડનો રહેવાસી અને હાલમાં વાંકાનેર તાલુકાના સરતાનપર રોડ ઉપર આવેલ કમાન્ડર સીરામીકના લેબર ક્વાર્ટરમાં રહેતો અને ત્યાં મજૂરી કામ કરતો રાયસન લખન હાસવ જાતે આદિવાસી (૩૭) નામનો યુવાન કમાન્ડર સિરામિક કારખાનામાં હતો ત્યારે ત્યાં તેને ચક્કર આવતા પડી ગયો હતો જેથી કરીને તે યુવાનને માથાના ભાગે ગંભીર ઇજા થઈ હોવાથી તાત્કાલિક તેને મોરબીની સરકારી હોસ્પિટલ સાથે લઈને આવ્યા હતા જ્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને આ બનાવની મોરબીની સરકારી હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ વાંકાનેર તાલુકા પોલીસ સ્ટેશનના હેડ કોન્સ્ટેબલ જે.જી. ઝાલા ચલાવી રહ્યા છે
