વાંકાનેરના કોટડાનાયણી ગામે ઝેરી જનાવર કરડી જતાં સારવાર દરમ્યાન મહિલાનું મોત
વાંકાનેરના કોટડાનાયાણી ગામે આવેલ માતાજીના મઢે મહિલાને ઝેરી જીવડું કરડી ગયો હતો જેથી કરીને તે મહિલાને ઝેરી અસર થઈ હોવાથી તેને સારવાર માટે રાજકોટ સિવિલ હોસ્પિટલ ખાતે લઈ ગયા હતા અને ત્યાં સારવાર દરમિયાન તે મહિલાનું મોત નીપજયું છે જેથી કરીને હોસ્પિટલ મારફતે આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ રાજકોટમાં વેલનાથ પરા શેરી નં. ૧૬-૧૮ ના ખૂણે રહેતા પૂજાબેન ગોપાલભાઈ માણસુરીયા (૪૧) વાંકાનેર તાલુકાના કોટડાનાયણી ગામે આવેલ માતાના મઢે દર્શન કરવા માટે થઈને આવ્યા હતા ત્યારે ત્યાં કોઈ ઝેરી જીવડું કરડી જતા તેને ઝેરી અસર થઈ હતી જેથી કરીને તેઓને તાત્કાલિક સારવાર માટે રાજકોટની સરકારી હોસ્પિટલ ખાતે લઈ ગયા હતા અને ત્યાં સારવાર દરમિયાન તેઓનું મોત નીપજ્યું હતું જેથી કરીને આ બનાવ સંદર્ભે રાજકોટ સિવિલ હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
