વાંકાનેરના નવા રાજાવડલામાં જુગાર રમતા બે મહિલા સહિત કુલ ચાર જુગારી પકડાયા
વાંકાનેરના નવા રાજાવડલા ગામે રામાપીર મંદિર વાળી શેરીમાં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી જ્યારે સ્થળ ઉપરથી બે મહિલા સહિત કુલ ચાર વ્યક્તિઓ જુગાર રમતા મળી આવ્યા હતા જેથી પોલીસે ૧૨,૯૦૦ ની રોકડ કબજે કરી આગળની કાર્યવાહી હાથ ધરી હતી
બનાવની જાણવા મળતી માહિતી મુજબ વાંકાનેર નજીક આવેલ નવા રાજાવડલામાં રામાપીર મંદિર વાળી શેરીમાં જાહેરમાં જુગાર રમતા હોવાની વાંકાનેર સિટી પોલીસની ટીમને હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે ભરતભાઈ અમૃતભાઈ ચાવડા (૩૫), કિશોરભાઈ નરસિંગભાઈ ડેડાણીયા (૩૬), ડાહીબેન દાડમસિંગ સોલંકી (૪૨) અને કિરણબેન રમેશભાઈ છત્રોટીયા (૨૫) રહે. બધા વાંકાનેર વાળા જુગાર રમતા મળી આવ્યા હોય પોલીસે તેની પાસેથી ૧૨,૯૦૦ ની રોકડ કબજે કરી આગળની રાબેતા મુજબની કાર્યવાહી હાથ ધરી છે
