વાંકાનેરના રાતાવિરડામાં જુગારની રેડ: બે જુગારી પકડાયા, પાંચ ફરાર
વાંકાનેર નજીક આવેલ રાતાવિરડા ગામે ચબૂતરા પાસે જાહેરમાં જુગારની રેડ કરવામાં આવી હતી અને ત્યારે જુગારીઓમાં નાશ ભાગ મચી ગઈ હતી જો કે, સ્થળ ઉપરથી બે જુગારીઓને ઝડપી લેવામાં આવ્યા હતા અને પાંચ જુગારી નાસી ગયા હોય તેને પકડવા માટે પોલીસ દ્વારા તજવીજ શરૂ કરવામાં આવી છે અને હાલમાં જે આરોપી પકડાયા હતા તેની પાસેથી પોલીસે રોકડા રૂપિયા અને મોબાઈલ ફોન મળીને કુલ ૧૫૨૫૦ રૂપિયાની કિંમતનો મુદ્દામાલ કબજે કર્યો છે અને આ ગુનો નોંધી આગળની રાબેતા મુજબની કાર્યવાહી હાથ ધરવામાં આવી છે
બનાવની જાણવા મળતી માહિતી મુજબ વાંકાનેર તાલુકાના રાતાવિરડા ગામે ચબૂતરા પાસે જુગાર રમતા હોવાની વાંકાનેર તાલુકા પોલીસની ટીમને બાતમી મળી હતી જેના આધારે પોલીસે ત્યાં જુગની રેડ કરી હતી ત્યારે જુગારીઓમાં નાશ ભાગ પહોંચી ગઈ હતી જોકે પોલીસ દ્વારા સ્થળ ઉપરથી જુગાર રમતા રસિકભાઈ જીવણભાઈ ઉકેડીયા (૩૨) અને ભુપતભાઈ રણછોડભાઈ રીબડીયા (૩૨) રહે. બંને રાતાવીરડા વાળાની ધરપકડ કરેલ છે અને તેની પાસેથી ૧૦૨૫૦ ની રોકડ તથા ૫૦૦૦ નો એક ફોન આમ કુલ મળીને ૧૫૨૫૦ નો મુદામાલ કબજે કરેલ છે જોકે, નાસી ગયેલા પાંચ જુગારીઓમાં ગોપાલ નારુભાઈ કોળી, દેવાભાઈ રામસીભાઈ કોળી, ગાંડુભાઇ લાભુભાઈ કોળી, જગદીશભાઈ મોમભાઈ ભરવાડ અને અનિલભાઈ પરસોતમભાઈ કોળીનો સમાવેશ થાય છે અને આ તમામ રાતાવિરડા ગામના રહેવાસી હોય તેની સામે ગુનો નોંધીને પોલીસે તેને પકડવા માટે તજવીજ શરૂ કરેલ છે
