વાંકાનેરના આંબેડકરનગર અગાઉની બોલાચાલીનો ખાર રાખીને મહિલાને માર મારીને મારી નાખવાની ધમકી
વાંકાનેરના આંબેડકરનગર શેરી નં-૫ માં રહેતી મહિલા શેરીમાંથી પસાર થઈ હતી ત્યારે અગાઉ થયેલ બોલાચાલીનો ખાર રાખીને મહિલા તથા તેની સાથે રહેલ વ્યક્તિને જેમ ફાવે તેમ ગાળો બોલીને ઢીકાપાટુનો માર મારીને મારી નાખવાની ધમકી આપવામાં આવી હતી જેથી ભોગ બનેલ મહિલા દ્વારા વાંકાનેર સિટી પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવી જાણવા મળતી હકીકત પ્રમાણે વાંકાનેરમાં આવેલ આંબેડકર નગર શેરી નં-૫ માં રહેતા જયશ્રીબેન દિનેશભાઈ ઝાલા (૩૭)એ દીપકભાઈ બાબુભાઈ વાઘેલા રહે. આંબેડકર નગર શેરી નં-૫ વાંકાનેર વાળાની સામે ફરિયાદ નોંધાવી છે જેમાં તેમણે જણાવ્યું છે કે, ગઈકાલે થયેલ બોલાચાલીનો ખાર રાખીને ફરિયાદી તથા તેની સાથે રહેલ વ્યક્તિ શેરીમાંથી પસાર થઈ રહ્યા હતા ત્યારે આરોપીએ ફરિયાદી મહિલા તથા તેની સાથે રહેલ વ્યક્તિને જેમ ફાવે તેમ ગાળો બોલી હતી અને ઢીકાપાટુનો માર માર્યો હતો તેમજ મારી નાખવાની ધમકી આપી હતી જેથી કરીને મહિલા દ્વારા વાંકાનેર સિટી પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
