વાંકાનેર નજીક ક્યુટોનસીરામીક કારખાનામાં શૉટ લાગતાં શ્રમિક યુવાનનું મોત
વાંકાનેરના વઘાસીયા ટોલનાકા પાસે આવેલ સીરામીક કારખાનામાં કામગીરી દરમિયાન ઈલેક્ટ્રીક શોટ લાગતા યુવાનનું મોત નીપજયું હતું જેથી કરીને તેના મૃતદેહને વાંકાનેર સરકારી હોસ્પિટલ ખાતે લઈને આવ્યા હતા અને આ બનાવની વાંકાનેર સિટી પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી
બનાવની જાણવા મળતી માહિતી મુજબ મોરબી વાંકાનેર હાઇવે ઉપર આવેલ વઘાસીયા ટોલનાકા પાસે ક્યુટન કંપની ખાતે રહેતો અને ત્યાં મજૂરી કામ કરતો ગૌતમભાઈ કાશીરામભાઈ લાલાણી (૨૦) નામનો યુવાન કારખાનામાં કામગીરી કરી રહ્યો હતો ત્યારે ઈલેક્ટ્રીક મોટર પાસે તેને વીજ શોટ લાગ્યો હતો જેથી કરીને ગૌતમભાઈ લાલાણીનું ઘટના સ્થળે જ મોત નીપજયું હતું ત્યારબાદ તેના મૃતદેહને મહેશભાઈ લાલાણી વાંકાનેરની સરકારી હોસ્પિટલ ખાતે લઈને આવ્યા હતા અને આ બનાવની વાંકાનેર સિટી પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ વાંકાનેર સિટી પોલીસ સ્ટેશનના પ્રદિપસિંહ ધીરુભાઈ ઝાલા ચલાવી રહ્યા છે
